Shifrat e koronavirusit mbeten ende të larta në Greqi, duke detyruar autoritetet e vendit fqinjë që të mos jenë tolerante për sa i përket lehtësimit të masave të lëvizjes, edhe pse përpara janë festat e fundvitit,
Nisur nga kjo situatë, qeveria e Athinës ka vendosur zgjatjen e masave parandaluese ndaj Covid-19 deri në 7 janar.
Zëdhënësi i qeverisë Stelion Petsas, ka lajmëruar se, deri në datën 7 janar, shkollat, restorantet dhe institucionet e tjera do të qëndrojnë të mbyllja. Gjithashtu, udhëtimet nga rajoni në rajon nuk do të lejohen.
“Çdo kthim në normalitet duhet të bëhet gradualisht dhe në mënyrë të sigurt. Shkollat, qendrat argëtuese, aktivitete sportive të ndryshme nga ato të miratuara nga komisioni shëndetësor, do të qëndrojnë të mbyllura të deri më 7 janar”,- ka thënë ai.
Sa u përket liturgjive fetare në kisha, hapjes së floktoreve apo të dyqaneve të biznesit të vogël, do të analizohen të dhënat epidemiologjike në ditët e ardhshme.
Gjithashtu kush vjen nga jashtë Greqisë, do të duhet të hyjë në karantinë 10 ditë ndërsa do të kryeje domosdoshmërisht rapid-test-in.
Që prej fillimit të pandemisë në Greqi janë regjistruar 115,471 raste infektimi dhe kanë ndërruar jetë 3,003 pacientë.
/GazetaReforma.com/
