Schumacher ka qenë një nga ikonat e Formula 1 dhe sot ai ndodhet në gjendje të rëndë shëndetësore. Edhe pse sot mund të kemi harruar që ai ndodhet mes nesh, prestigjozja gjermane Bild na e kujton me një artikull kushtuar legjendës së këtij sporti me titull “Kështu jeton Schumacher sot” dhe ky artikull vjen disa ditë para se ai të festojë 50-50-vjetorin e ditëlindjes.
Këto pesë vite familja ka punësuar 10 ekspertë mjekësorë, përfshirë fizioterapistë, infermiere dhe shoqërues- që ndihmojnë familjen Schumacher për ta ndihmuar Michelin t’ia dalë mbanë dhe të shërohet.
Zyra e vjetër e Schumacherit është kthyer në një dhomë të mirëfilltë spitali me aparaturat e nevojshme që duhet atij për t’u mbajtur gjallë.
’Asgjë nuk mungon për të përshpejtuar shërimin e Schumacher’ shkruan Bild, që raporton se si në dhomën e tij dëgjohet edhe zhurma e motorit të makinës së tij të vjetër të garave.
“Për pyetjen se si është sot Schumi nuk ka një përgjigje preçize’, shkruan Bild, duke shtuar që kampioni i Ferrarit nuk është më në rrezik për jetën.
Por ka gjithashtu një arsye se përse Schumacher pas aksidentit, pesë vite më parë, nuk është shfaqur në publik’, komenton tabloidi, duke lëshuar mistere.
E përditshmja raporton opinionin e një neurobiologu të Max-P-lank Institut,Tobias Bonhoffer, sipas të cilit ‘ në përgjithësi dëmtimi i cipës nervore të trurit dhe i palcës së kurrizit nuk mund të rikuperohen.
Ky është ndryshimi me të tjera pjesë të trupit njerëzor, si psh lëkura, apo mëlçia të cilat mund të rigjenerohen, ndërsa në rastin e Schumacherit qelizat e dëmtuara të trurit nuk janë të mjaftueshme për të zhvilluar punën e tyre’.
