Kapet duke u kujdesur për një sasi të madhe kanabisi, arrestohet një i ri shqiptar në Britaninë e Madhe. Mësohet se vlera e kanabisit shkonte në 400 mijë paund nëse dilte në treg. I riu i identifikuar si Ergo Sala, 20 vjeç u kap nga policia në një apartament me disa dhoma dhe që ishte i mbushur me kanabis dhe qindra pajisje për rritjen e tij.
Pasi u kap 20-vjeçari pranoi se ishte përfshirë në prodhimin e kanabisit kur u pyet nga policia.
Raportohet se brenda banesës gjendeshin rreth 13 kilogramë kanabis gati për shitje me vlerë rreth 125 mijë paundë, si edhe disa bimë të tjera, vlera e të cilave përllogaritet të ketë qenë rreth 250 mijë paundë britanikë.
Sipas mediave britanike Sala kishte ardhur në Angli në mënyre ilegale dhe nuk kishte dënime të mëhershme nga drejtësia, duke bërë që ai të dërgohet 9 muaj në një institucion riedukimi për të rinjtë.
