Një 43-vjeçar është arrestuar në flagrancë pas kapjes së tij me dy qese plastike që përmbanin lëndë narkotike kanabis. Ai dyshohet se kishte ndërmend t’i shiste ato në doza.
Operacioni u realizua nga Shërbimet e Komisariatit të Policisë Kurbin dhe specialistët e Seksionit për Hetimin e Narkotikëve të DVP Lezhë, pas informacioneve të marra nga qytetarët.
Gjatë kontrollit në banesën e shtetasit Rasim Sela, policia sekuestroi dy qese plastike me lëndë narkotike.
Pas përfundimit të veprimeve procedurale, Sela u arrestua për prodhimin dhe shitjen e lëndëve narkotike.
Materialet e dosjes i kaluan Prokurorisë pranë Gjykatës së Shkallës së Parë të Lezhës për veprime të mëtejshme.
