Të pakëtn 13 persona mbetën të vrarë kur një fuoristradëqë mbante 25 persona dhe një kampion u përplasën në një autostradë të Kalifornisë Jugore pranë kufirit SHBA-Meksikë. Dymbëdhjetë njerëz u gjetën të vdekur kur ndihmat e para arritën në autostradë, një person tjetër vdiq në një spital, tha Shefi i Patrullës së Autostradës në Kaliforni Omar Ëatson.
Një Ford Expedition zakonisht vendos tetë persona legalisht, autoritetet nuk e dinë pse kaq shumë njerëz ishin futur në fuoristradë. Shoferi i kamionit të madh, i cili po transportonte dy rimorkio zhavorri, u shtrua në spital me lëndime të lehta. Zyrtarët e Qendrës Rajonale Mjekësore El Centro më herët raportuan se kishte 15 të vrarë. Shtatë vetë u dërguan në atë spital, përfshirë një person që vdiq më vonë.
Të tjerët u transportuan ose u dërguan në spitale të tjera për dëmtime që përfshinin fraktura dhe trauma në kokë. Katër u dërguan në Qendrën Mjekësore Rajonale të Shkretëtirës në Palm Springs, ku një person është në gjendje kritike dhe të tjerët janë të qëndrueshëm.
Kamioni po udhëtonte në veri në një autostradë me dy korsi dhe Fordi po shkonte në perëndim përgjatë një rruge ku ka një shenjë ndalimi para se të kryqëzohet me autostradën, tha oficeri i CHP Arturo Platero. Autoritetet nuk e dinë se sa shpejt po lëvizte secili automjet.
