Bilanci i koronavirusit në vendin tonë është 51 të prekur dhe 1 viktimë.
Në përditësimin e djeshëm, Ministria e Shëndetësisë bëri me dije, se në repartin e Infektivit ndodhen 20 pacientë, tre prej të cilëve i janë nënshtruar terapisë intensive.
Ndërkohë “Balkanweb” raporton, se tek Infektivi ka mbërritur një kamion me bombola oksigjeni.
Së fundmi në godinën e Infektivit kanë mbërritur dy persona të dyshuar me koronavirus.
Për të parandaluar përhapjen e koronavirusit, qeveria ka ndërmarrë një sërë masash shtrënguese, duke kufizuar qarkullimin e makinave dhe njerëzve.
Gjithashtu janë mbyllur shkollat, lokale si dhe janë pezulluar aktivitetet publike.
Policia dhe ushtria vijojnë patrullimet në terren, për të mbikëqyrur zbatimin e urdhërave për vetëkarantinimin.
Gjatë ditës së sotme janë gjobitur disa shtetas të kthyer nga Italia, të cilët nuk kanë respektuar urdhërin e kryeministrit.
