Ditën e sotme, Policia ka shoqëruar një të ri që po kryente lëvizje të dyshimte para Kuvendit të Shqipërisë.
Uniformat blu u alarmuan kur djali për rreth 30 minuta ka kreyr lëvizje të dyshimta rreth Parlamentit.
“Kam punë me doktorin”, dëgjohej duke thënë teksa fliste në telefon. Ai ishte i veshur me të zeza, ndërsa mbante kapuç në kokë dhe një çantë të zezë. Në Shqipëri, seanca e sotme e parlamentit u mbizotërua nga kaosi dhe përplasjet mes opozitës dhe shumicës. Deputetët demokratë të cilët kishin hyrë më herët në sallë, mblodhën të gjitha karriget duke i grumbulluar ato përpara foltores së parlamentit, një veprim i cili u shoqërua dhe me konflikte direkte mes tyre dhe kolegëve socialistë.
Qëndrimi i sotëm i opozitës ishte paralajmëruar prej saj, ndërsa drejtuesit demokratë ishin shprehur haptazi se “nuk do të ketë zhvillim normal të punimeve të parlamentit, përsa kohë nuk do të respektohen të drejtat e opozitës”.
