Gazetari Artan Hoxha kohë më parë deklaroi se ka një filmim për një kryetar bashkie, por nuk dha detaje të mëtejshme.
Së fundmi, ka qenë i ftuar në emisioni “Opinion” ku është folur për kryebashkiakët dhe ligjin e dekriminalizimit.
Hoxha ka dhënë detaje të reja rreth videos së tij.
Ai ka deklaruar se në video është një kryetar bashkie që konsumon lëndë narkotike në ambiente publike.
Por, gazetari përsëri nuk dha më shumë detaje.
Pjesë nga biseda:
Artan Hoxha: Çështja e tërmetit e spostoi atë.
Gazment Bardhi: Kam dijeni, e kam parë videon, por nuk e disponoj.
Artan Hoxha: Dijeni mund të kenë, nuk e di nëse e kanë parë . Është në ambient publik, se po të ishte në zyrë nuk ke si e filmon. Nëse e merr narkotikun në banesë apo në një ambient të mbyllur, nuk ka asnjë problem se thua jam përdorues. Përveç faktit që je i zgjedhur vendor, pastaj kalon në një nivel tjetër. Por, nëse e merr në ambient publik ky është problem. Kam ndjekur dhe rastet e denoncuara nga opozita, sigurisht për gjithë rastet kanë qenë pozitive, për faktin se i ka rrëzuar prokuroria më mbrapa. Gjej rastin ti përgëzoj. Kontrolli duhet bërë para se ata të zgjidhen dhe jo pasi të zgjidhen. Ai proces zgjedhor ka pas një kosto për taksapaguesit shqiptar.
