Ish-anëtari i Këshillit Kombëtar të Partisë Demokratike, Edvin Kulluri ka reaguar ditën e sotme me një postim në rrjetin e tij social “Facebook”, ku ka komentuar deklaratën e kryeministrit Edi Rama për Televizionin Kombëtar Gjerman, NTV.
Gjatë intervistës së tij Rama e cilësoi kabinetin “Rama 3” si më të mirin ku ka një përfshirje të madhe të gjinisë femërore.
“Së pari, unë besoj se gratë gjermane janë më të mira se burrat gjermanë, nuk ka dyshim për këtë dhe Angela Merkel është shembulli më i mirë. Së dyti, dua të them se nuk ishte aspak qëllimi im kjo gjë. Nuk është një kabinet që ka një përqindje kaq të lartë të grave për të bërë përshtypje në të gjithë botën, duke diskriminuar burra. Në kabinetet e mia të mëparshme, në të parin dhe në të dytin, ndarja shumë e ekuilibruar gjinore ishte e qëllimshme. Këtë herë doja thjesht kabinetin më të mirë. Dhe rasti e solli të ketë më shumë gra sesa burra”.
Por në lidhje me këtë deklaratë nuk ka ngurruar të reagojë Kulluri ku shkruan se i vetmi atribut i atyre që Rama i ka futur në Qeveri, është adhurimi për “udhëheqësin” dhe në Qeveri hyjnë politikanë të zotët dhe jo burokratë të zakonshëm.
Postimi i plotë:
Ky na qenka kabineti me i mire?! Nderkohe qe gjysma jane njerez te zakonshem pa asnje atribut te vecante per te drejtuar vendin! Keshtu i bie qe te kemi 5000 kandidate per ministra! Mjafton nje diplome shkolle te larte dhe adhurim per “udheheqesin”!
Ne qeveri hyjne politikane te zotet dhe jo burokrate te zakonshem!
