Ish-kandidati për kryetar bashkie në Kamëz, Arjan Hoxha, ka dorëzuar një kallëzim penal në SPAK, duke akuzuar kryebashkiakun aktual të Kamzës, Rakip Suli, për shpërdorim detyre.
Në dokumentin zyrtar të paraqitur në SPAK, Hoxha pretendon se Suli ka ndërmarrë investime selektive në infrastrukturë, të cilat i cilëson si “asfalt elektoral”, me qëllim influencimin e votuesve për zgjedhjet vendore të 11 majit.
Hoxha shpreh dyshime se këto punime janë realizuar në mënyrë të njëanshme dhe me synim deformimin e vullnetit të qytetarëve. Ai i kërkon SPAK-ut që të hetojë jo vetëm këtë rast, por edhe praktika të tjera të ngjashme që mund të përbëjnë shkelje të ligjit dhe cenim të procesit zgjedhor.
