Gjatë 24 orëve të fundit në pikën kufitare të Kakavijës janë futur 1800 persona, të cilët do të marrin pjesë në ceremoninë e 1 vjetorit të Kostandinos Kacifas.
Prej dy ditësh FNSH, RENEA dhe Antiterrori kanë blinduar kufirin grek, si dhe Gjirokastrën e Bularatin. ‘Dosja.al’ shkruan, se 3 persona të shpallur ‘non grata’ nuk janë lejuar të futen në Shqipëri.
Gjithashtu 7 të tjerë janë kthyer mbrapsh, për shkak se nuk plotësonin kushtet e udhëtimit.
Në mesin e të ndaluarve ishte edhe ekstremisti grek, Babis Karathanos.
Ky i fundit prej ditësh u ka bërë thirrje shoqatave të minoritetit grek, që të jenë sa më shumë prezentë, ditën e ceremonisë.
Ndërkohë mëngjesin e sotëm, është futur në Shqipëri edhe një autobus me 20 persona, që do të marrin pjesë në ceremoninë mortore.
Kujtojmë këtu se Kostandinos Kacifas, u vra më 28 tetor të 2018-ës, pasi i hapi zjarr forcave RENEA.
Ditën e varrimit, në Bularat erdhën rreth 1500 nacionalistë grekë, të cilët shkaktuan trazira dhe shpërthyen në thirrje anti-shqiptare.
Vrasja e Kacifas, ftohu marrëdhëniet diplomatike mes Shqipërisë dhe Greqisë.
