Shkrimtari i madh shqiptar, Ismail Kadare është rikthyer në qytetin e Vlorës për të promovuar librin “Kohë për rrëfim. Dialog me Alba Bardhylin”, përpara lexuesve të rinj të këtij qyteti.
Gjatë bisedës me lexuesit, Kadare tha se ka qenë një artisit i lumtur. Kjo gjë vinte pasi ai e kuptonte që kishte bërë art të vërtetë
“Kam qenë një artist i lumtur. Po të më dëgjojë njeri, me një gjykim të thjeshtë, do thotë që paske qenë një nga ata që mbanin gjallë regjimin. Si paske qenë i lumtur? Por, arti nuk e pranon këtë gjë. Arti lind në çdo kohë, ai lind edhe në fatkeqësi. Kam qenë i lumtur kur kuptoja që kisha bërë art të vërtetë”, tha Kadare.
Ai ka folur edhe për regjimin komunist dhe dëshirën për’u larguar në atë kohë, por ka treguar se e vetmtja frikë që e mbante ishte për njerëzit që do linte pas dhe pasojat që ata do vuanin.
“Dilema që ka tortutuar dhjetra mijëra shqiptarë gjatë komunizmit, ishte ikja e mos ikja nga Shqipëria. Ka qenë vërtetë tragjike, kjo dilemë. Kush e paguan? Është e durueshme apo e padurueshme pagesa? Mund të kisha ikur dhjetëra herë nëse do ta përballoja çmimin dhe ndergjegjen time se kush do ta paguante ikjen time” tha kandidati për çmimin Nobel.
Kadare foli edhe për Vlorën, të cilin e quan një qytet të dashur për letërsinë. Shkrimtari shumë i dashur tha se sheh një Vlorë më të bukur që e ka dashur që në adoleshëncë.
“Shoh një Vlorë më të bukur. Vlora është qytet i dashur për letërsinë, që e kam dashur që në adoleshencë. Na ka mirëpritur gjithnjë me një cilësi hyjnore që vijon ta ketë edhe sot. Më vjen mirë që shoh një Vlorë plot ndryshime”, ka thënë Kadare.
