Ish-nënkryetari i Lëvizjes Socialiste për Integrim, Luan Rama ndër të tjera ka komentuar edhe kabinetin e ri qeveritar të prezantuar nga kryeministri i vendit Edi Rama.
Luan Rama në emisionin “Kjo javë”, u shpreh se është një gjë pozitive që shumica e kabinetit përbëhet nga zonja por mbeten për tu parë projektet që do të prezantohen në vazhdim. Ndër të tjera ai ka theksuar se në politikë, si institucion nuk ekzistojnë paragjykimet por ka vlerë produkti që do të japin. Rama ka shtuar se qeveris e krijuar duhet që të ngjallin shpresë tek qytetarët, gjë që dyshojë se mund të ndodhë sipas tij.
“Më vjen mirë që pjesa më e madhe e qeverisë së re janë zonja pasi janë larg zhargoneve poshtëruese. Do të shohim se çfarë projekti do të paraqesin për të analizuar më pas.
Do ta quaja pa vend paragjykimin që bëhet. Në politikë si institucion nuk ka vlerë paragjykimi por ka vlerë produkti që do të japin. Kjo qeveri duhet të ngjallë shpresën gjë që dyshoj se do të ndodhë. Duhet të rikthejë tek të rinjtë besimin, që për të ecur para duhet meritokracia jo tesera e partisë”, tha Rama.
Ndër të tjera Luan Rama ka komentuar edhe emërimin e Lindita Nikollës si kryetare të Kuvendit. Ai u shpreh që sh[preson që toleranca dhe respektimi i opozitës, të jetë ajo që do ta udhëheqin Nikollën dhe jo urdhrat nga mazhoranca sipas tij.
“E njoh Nikollën që nga gjimnazi. Ajo përfaqëson një gjeneratë kontributorësh në PS. Duhet t’i uroj suksese dhe shpresoj dhe besoj se toleranca dhe respektimi i opozitës, të jetë ajo që ta udhëheqë Nikollën në mision e saj dhe jo urdhrat e marra pse jo nga mazhoranca”, u shpreh Luan Rama
