Derbi i qytetit të Torinos mes Juventusit dhe Torinos përfundoi në barazim 1-1.
Ndeshja nisi vrullshëm, me Juventusin që kaloi në avantazh pas vetëm 8 minutash lojë, falë një goli të bukur nga Yildiz. Sulmuesi turk goditi saktë me të majtën, duke mposhtur portierin Milekonovic.
Torino reagoi menjëherë dhe ushtroi presion të vazhdueshëm, derisa gjeti golin e barazimit në minutën e 45-të me anë të Vlasic, duke siguruar që skuadrat të shkonin në pushim në barazim 1-1.
Pjesa e dytë ishte e luftuar, por pa gola, megjithëse të dyja skuadrat krijuan disa raste të mira. Me këtë rezultat, Juventus ngjitet në vendin e pestë në renditjen e Serie A, ndërsa Torino qëndron në vendin e 11-të.
Ndërkohë, në një tjetër ndeshje të Serie A të luajtur sot, Atalanta barazoi pa gola në transfertë ndaj Udineses.
