Vetëm se Justin Bieber po bën një pauzë nga muzika nuk do të thotë se nuk e ka vëmendjen tek ajo. Së fundmi Bieber ka ndezur debatet në rrjet pas deklaratës që ka dhënë ndaj reperit të njohur Eminem.
Justin postoi në ‘Instastory’ një screenshoot të këngës “The Ringer”, nga albumi i Eminem. Në këtë këngë, Eminem flet për reperët e rinj si Lil Yachty, Lil Pump dhe Lil Xan.
Në “story-n” e publikuar, Bieber sqaroi se i pëlqente muzika e reperit, por shtoi se ai nuk mund ta kuptojë brezin e ri të këtij zhanri të muzikës.
“Më pëlqen muzika e Em’ por nuk më pëlqen që ai po u bën diss reperëve të rinj. Mua më pëlqen brezi i ri i repit, ai thjesht nuk i kupton.” shkruan Justin.
Ende nuk ka pasur një reagim nga ana reperit me famë, 46 vjeçarit Eminem, por me siguri përgjigjia që mund të japë është një këngë e mirë e radhës!
Burimi:Iconstyle.al
