Në kuadër të rifillimit të aksionit politik në shtator, Partia e Lirisë me në krye Ilir Metën ka zhvilluar protestën e parë.
Ishte mëse e dukshme pjesëmarrja e ulët e protestuesve edhe pse pritshmëritë e kreut të Partisë së Lirisë ishin ndryshe.
Ndërkohë që kryetari i Partisë së Lirisë, Ilir Meta ka justifikuar sërish dështimin e protestës së zhvilluar më 13 shtator në Landfillin e Tiranës, ku nuk ka incenerator.
Meta tha në emisionin “Publikisht” se nuk priste pjesëmarrje të madhe në protestën tek Landfilli i Sharrës, pasi pretendon se nuk është vendi i duhur për të bërë zhurmë.
“Duhet të keni parasysh se nëse dikush dëshiron të ketë pjesëmarrje nuk mund t’i ftojë njerëzit të shkojnë në Sharrë, qoftë për largësinë, qoftë për infrastrukturën , qoftë për hapësirën. Nuk është atje për të bërë zhurma. Vajtja atje ishte një mesazh i qartë, një tematikë e qartë me firma të ekspozuara atje me qytetarë. Unë për vete vajta atje për herë të parë”, deklaroi ndër të tjera kreu i partisë së inceneratorëve.
Kreu i PL-së, Ilir Meta bëri të ditur se protesta do të te inceneratori i Tiranës. Kreu i Partisë së Lirisë, Ilir Meta ka theksuar sërish se protesta e thirrur më 13 shtator për inceneratorin e Tiranës, është protestë e qytetarëve.
