Julian Gjoshi, autori i vrasjes së Alfred Dedjas në Ndroq, ka pohuar para hetuesve se krimin e kreu pasi ndihej i ofenduar nga 50-vjeçari.
Ai ka shpjeguar se Dedja e ofendonte çdo herë që takoheshin, madje takimi i fundit mes tyre kishte ndodhur 10 ditë para ngjarjes, ku ata ishin sharë me njëri-tjetrin.
“Ndihesha i ofenduar, pasi sa herë që takoheshim më shante e ofendonte. Jemi takuar edhe 10 ditë para ngjarjes dhe sërish më ka ofenduar. Ditën e ngjarjes e kam marrë unë në telefon dhe i kam thënë hajde se po të pres për kafe. Sapo u ul e qëllova me armë. Unë atë e kam mbajtur me lekë e bukë kur punonte menaxher te Golden, pronë e familjarëve të mi. Pasi kreva vrasjen u largova menjëherë. Pistoletën e hodha jo shumë larg nga lokali, në anë të disa shkurreve”, është shprehur 27-vjeçari Julian Gjoshi.
Ndërkohë policia këtë të martë do të nisë kontrollet në zonë për të gjetur pistoletën e përdorur në vrasje.
