Përgjigja e testit për COVID-19 mund t’ju dalë negative edhe nëse jeni të infetktuar. Kjo pasi testet per COVID-19 nuk janë 100% të sakta. Këtë e ka konfirmuar edhe Organizata Botërore e Shëndetësisë në Shqipëri, në një postim në faqen e tyre zyrtare në Facebook. Gjithashtu OBSH shkruan se testet mund të mos i zbulojnë rastet e infeksioneve që janë ende në fazën e inkubacionit, gjithashtu ekziston mundësia që një person të infektohet edhe pasi e ka bërë testin PCR per koronavirus.
Njoftimi I OBSH:
Një përgjigje negative e testit #COVID19 nuk na bën të paprekshëm!
❗Asnjë test nuk është tërësisht i saktë në 100% të rasteve
❗Testet mund të mos i zbulojnë infeksionet që janë ende në fazën e inkubacionit
❗Ju mund të infektoheni pasi keni bërë testin
#StopCOVID19
Ndërkohë numri I rasteve me koronavirus në Shqipëri vazhdon të mbetet mjaft i lartë. Vetëm ditën e djeshme janë raportuar 916 raste të reja dhe 20 viktima nga virusi. Numri ne total i rasteve që prej fillimit të pandemisë është 105 299, ndërsa 1765 persona kanë humbur jetën. Aktualisht në spitalet COVID në Tiranë dhe tre spitalet rajonale po trajtohen 625 pacientë, 46 në terapi intensive, nga të cilët 12 pacientë janë të intubuar. Numri i testimeve në total është 459 023.
