Joe Biden do të jetë presidenti i 46-të i Shteteve të Bashkuara.
Shteti i lindjes së Biden, Pensilvania e ka vendosur atë në krye të 270 votave të nevojshme elektorale.Fitorja e Biden ka ardhur pas më shumë se tre ditësh pasigurie nga vota të panumëruara ende.
Joe Biden është një veteran që ka projektuar qetësi dhe dhembshuri, ka premtuar një qasje më empatike dhe shkencore ndaj pandemisë dhe u zotua se do të stabilizojë politikën amerikane pas katër viteve të qeverisjes së Donald Trump në shtëpinë e Bardhë.
Biden, i cili mbush 78 vjeç në fund të këtij muaji, do të bëhet presidenti më i vjetër kur të inaugurohet në janar në mes të krizës më të rëndë të shëndetit publik në 100 vjet, rënies më të thellë ekonomike që nga vitet 1930 dhe një llogari kombëtare mbi racizmin dhe brutaliteti policor që është ende i pazgjidhur.
Strategjia u tregua e efektshme, duke rezultuar në fitore të rëndësishme në Michigan dhe Wisconsin, si dhe tani në Pensilvani, të gjitha bastionet demokratike që kishin kaluar te Trump në 2016.
Biden ka lindur në Scranton, Pensilvani dhe është rritur në Delaware ku jeton edhe sot me gruan e tij Dr. Jill Biden.
Biden, në një deklaratë, tha se ishte i nderuar nga fitorja dhe ishte koha që kombi i goditur të linte mënjanë mosmarrëveshjet e tij.
“Është koha që Amerika të bashkohet dhe shërohet, ”tha ai.
“Me përfundimin e fushatës, është koha të vendosim zemërimin dhe retorikën e ashpër pas nesh dhe të bashkohemi si një komb”, tha Biden. “Nuk ka asgjë që nuk mund të bëjmë nëse e bëjmë së bashku”.
Ndërkohë Kamala Harris po bën gjithashtu historinë si gruaja e parë me ngjyrë që bëhet nënkryetare, një arritje që vjen ndërsa SHBA përballet me një llogari për drejtësinë racore. Senatorja e Kalifornisë, është gjithashtu personi i parë me prejardhje nga Azia Jugore e zgjedhur si zëvendësvpresidente, do të bëhet gruaja e rangut më të lartë ndonjëherë për të shërbyer në qeveri, katër vjet pasi Trump mundi Hillary Clinton.
Harris do të jetë tashmë një fytyrë e re dhe historike në politikën amerikane. Ajo me këtë arritje ndjek suksesin e Barack Obama që ishte dhe i pari Presidenti i SHBA me ngjyrë.
Nga ana tjetër presidenti aktual Donald Trump refuzoi të pranonte rezultatin e ditës së sotme, duke kërcënuar me veprime të mëtejshme ligjore për numërimin e votave.
