Ditën e djeshme Aleksandër Lukashenkon bëri betimin e tij si president i Bjellorusisë por Departamenti Amerikan i Shtetit deklaroi se nuk e njeh atë si president legjitim të Bjellorusisë.
“Shtetet e Bashkuara nuk mund ta konsiderojnë Aleksandër Lukashenko udhëheqësin legjitim të Bjellorusisë. Rruga drejt të ardhmes duhet të jetë i përcaktuar nga një dialog mes palëve e cila do tu jepte popullit bjellorus të drejtën për të zgjedhur liderët e tyre në zgjedhje të drejta dhe lira, të vëzhguara nga ekspertë të pavarur”.
Ndërkohë edhe Bashkimi Europian refuzoi ta njohë Alexander Lukashenkon si president të Bjellorusisë, tha të enjten shefi i politikës së jashtme të BE-së, Josep Borrell.
“BE-ja nuk i njeh rezultatet e falsifikuara të zgjedhjeve në Bjellorusi. Bazuar në këtë, i ashtuquajturi inaugurim i 23 qershorit dhe mandati i ri, i pretenduar nga Alexander Lukashenko , nuk kanë asnjë legjitimitet demokratik.Ky ‘inaugurim’ bie ndesh me vullnetin e pjesës më të madhe të popullsisë bjelloruse”, tha Borrell.
Zgjedhjet në Bjellorusi janë mbajtur më 9 gusht, por opozita dhe vëzhguesit ndërkombëtarë kanë thënë se votimet janë manipuluar, në favor të Lukashenkos.
Që atëherë, mijëra bjellorusë, pavarësisht shtypjeve nga policia, kanë vazhduar protestat duke kërkuar dorëheqjen e Lukashenkos. Të mërkurën, në një ceremoni të paparalajmëruar, Lukashenko bëri betimin për mandatin e gjashtë presidencial.
