Jo më “Copy- Paste”! Parlamenti i këtij shteti miraton ligjin e ashpër për plagjiaturën

Google+ Pinterest LinkedIn Tumblr +

Në Shqipëri janë kapur edhe ministra dhe deputetë me diploma dhe doktoratura të falsifikuara, por atyre nuk u ka hyrë asnjë gjemb në këmbë. Megjithatë bota ka edhe shtete serioze, ku një veprim i tillë jo vetëm që është i ndaluar, por madje konsiderohet si krim.

Nisur nga përhapja e fenomenit të plagjaturës, parlamenti sllovak miratoi një projektligj, sipas të cilit kushdo që zbulohet se ka kryer kopjime, si pjesë të diplomës së tij, nuk do të jetë në gjendje të mbajë as diplomat e tij të tjera akademike, por do të akuzohet për mashtrim.

Kushdo që deri tani ka bërë plagjiaturë për të marrë diplomën e tij në Sllovaki mund të mbajë gradën akademike, përfshirë politikanët.

Legjislacioni i ri vjen pas një serie skandalesh plagjiature, që përfshijnë edhe politikanë, si kreun konservator të qeverisë, Igor Matoviç, kryetarin e djathtë populist të parlamentit, Boris Kollar dhe ministrin liberal të Arsimit, Branislav Groehling.

Gazetarja Maria Benedikovicova kishte përdorur krahasime të hollësishme tekstuale në gazetën ”Dennik N”, për të treguar se shumë nga politikanët kryesorë të vendit kishin kopjuar shumë nga tezat e tyre, pa cituar siç duhet burimet.

Matoviç pranoi në korrik se, kishte bërë plagjiaturë në tezën e tij universitare dhe se kishte abuzuar në dokumente të tjera gjatë diplomimit të tij.

Zbulimet dhe reagimet e politikanëve të ekspozuar ndezën një stuhi indinjate.

/GazetaReforma.com/

Shpërndaje
Share.

Komento