Kryeministri Edi Rama ka vazhduar fushatën elektorale në Tiranë, ku ka qenë në një takim në Njësinë Nr.1. Nga aty Rama ka thënë se çdo minutë jeton me hallet e njerëzve pasi kjo nuk është një kohë e zakonshme. Më tej ai ka komentuar edhe fushatën e vaksinimit, duke thënë se drita në fund të tunelit po vjen duke u zmadhuar, ndërsa gjithashtu shumë shpejt ka ecur edhe rindërtimi.
“Jetoj çdo orë e minutë me stresin, shqetësimet dhe hallet e njerëzve. S’ka sesi të mos jeni të stresuar. Nuk është një kohë normale, nuk është një moment i zakonshëm në jetën tonë. Është një periudhë e gjatë, mbi 15 muaj, ju dhe gjithë ne, kanë hyrë në një fazë stresi, në një fazë shqetësimi më të madh se zakonisht. Hallëve të përditshme i është shtuar një hall i ri, pandemia. Që nga goditja katastrofike e tërmetit, tek goditja tjetër që gjunjëzoi botën si kurrë më parë, të gjitha shtetet u mbyllën në shtëpi. Është momenti të marrim frymë thellë. Drita në fund të tunelit po vjen duke u zmadhuar. Po bëjmë vaksinimin masiv që po u kthen buzëqeshjen gjyshërve dhe gjysheve, nënave e baballarëve. Po fillon rikthimi në shtëpi i njerëzve që humben banesat e tyre. Kemi ecuar shumë shpejt me ndërtimin e shtëpive.”, tha Rama.
Kryeministri deklaroi se në themelin ekrenarisë së tij është fakti se ai ka qenë thjesht njeriu që hyn e del në zyrë, ndërsa pushteti ka qenë i njerëzve.
“Një gjë e kam themelin e krenarisë time, se që nga dita e parë në atë zyrë thjesht kam qenë njeriu që hyn e del, ndërsa pushteti ka qenë i juaji. Nuk ka qenë asnjëherë në asnjë rast i interesave të mua, apo familjes time. Çdo ditë e çdo natë, sidomos në ditët më të vështira. Dhe mos harrojmë që nuk vijmë pas një mandati të dytë”, ka thënë Rama.
