Sot, në orën 11:00, opozita do të zhvillojë një tjetër protestë para Bashkisë së Tiranës, duke kërkuar largimin sa më parë të kryebashkiakut Erion Veliaj dhe përballjen e tij me drejtësinë.
Veliaj ndodhet nën hetim për korrupsion pasiv dhe aktiv, pastrim parash dhe fshehje pasurie, ndërsa SPAK vijon hetimet për çështje të bujshme si inceneratorët dhe projekti “5D”, ku përfshihet edhe emri i tij.
Opozita i bën thirrje qytetarëve që t’i bashkohen kësaj proteste, e cila shënon tubimin e 44-t kundër kryebashkiakut dhe akuzave për korrupsion që rëndojnë mbi institucionin e bashkisë.
