Ka dhënë dorëheqjen ditën e sotme kryetari aktual i Komisionit Qendror të Zgjedhjeve, Klement Zguri.
Mësohet se Zguri ka paraqitur shkresën e dorëheqjes në Kuvendin e Shqipërisë, edhe pse mandati i tij skadon më 3 nëntor të këtij viti.Kjo është edhe data kur Kuvendi do të zgjedhë kryetarin e ri të KQZ-së së re. Bashkë me Zgurin është larguar edhe këshilltari i tij, Ilir Rusmajli.
Klement Zguri mori drejtimin e KQZ falë marrëveshjes së vitit 2017 mes kryeministrit Edi Rama dhe kryedemokratit Lulzim Basha, pas daljes së opozitës nga çadra. Prej 23 vitesh, Zguri ishte anëtar i KQZ-së dhe pjesëmarrës në vëzhgimin e një sërë proceseve zgjedhore.
Ende nuk dihet se kush do ta zërë postin e Zgurit dhe do të drejtojë zgjedhjet e 25 prillit 2021.
