Mëngjesin e sotëm u ekzekutua me armë zjarri në Laç, ish punonjësi i policisë Xhelal Reçi 60 vjeç. Ai është qëlluar nga një distancë e afërt rreth orës 07:23, në afërsi të një banke, ndërsa më pas policia gjeti të djegur një automjet tip Toyota që dyshohet se u përdor nga autorë
Personi që shihni në foto,është Xhelal Reçi, ish-efektivi i policisë që u ekzekutua mëngjesin e sotëm në një atentat me armë zjarri në qendër të Laçit.
Policia e Kurbinit ka shoqërua disa persona lidhur me vrasjen 60-vjeçarit. Personat e shoqëruar janë kryesisht në cilësinë e dëshmitarëve në vendngjarje ose personave që kanë dijeni mbi ngjarjen.
Reçi zotëronte një butik dhe një bar kafe në Laç. Por ky nuk është atentati i parë që bëhet ndaj familjes Reçi.
Në shtator të 2020, djali i Xhelalit, Besniku, i shpëtoi një atentati të mirëorganizuar.
Për vrasjen janë përdorur dy armë, një automatik dhe një pistoletë. Makina, me të cilën dyshohet se autorët e kryen atentatin, u gjet e djegur në Milot.
Nga të dhënat e grupit hetimor, dyshohet se kanë qenë dy persona që kanë kryer atentatin ndaj Xhelal Reçit, i cili sapo kishte zbritur në mënyrë të befasishme nga mjeti i tij dhe ishte drejtuar biznesit që kishte në pronësi, një dyqan veshjesh. Mjeti i ish-policit nuk ishte parkuar mirë, duke zënë dhe një pjesë të rrugës, që për hetuesit e çështjes ngre dyshime se Reçi edhe mund të ketë kuptuar që ndiqej nga dikush.
