Legjenda botërore e futbollit, Diego Maradona ka përfunduar në spital pasi festoi ditëlindjen e tij të 60-të.
Sipas mediave të huaja, Maradona iu nënshtrua një operacioni pas mpikjes së gjakut në tru. Menjëherë sapo operacioni mbaroi, mjeku i tij personal informoi se operacioni kishte shkuar me sukses.
“Kjo hematomë kronike subdurale u hoq me sukses,”- tha mjeku, Leopoldo Luque, në një deklaratë. “Diego i rezistoi shumë mirë operacionit. Ai është zgjuar. Gjithçka është në rregull, dhe po pushon në dhomën e tij.”
Operacioni, i kryer në Klinikën Olivos në Buenos Aires, zgjati rreth 80 minuta, dhe Hematoma subdurale konsiderohet ndër më vdekjeprurëset nga të gjitha dëmtimet në kokë.
Duket se abuzimet e mëparshme me alkoolin dhe lëndët e ndryshme po japin efekt te trajneri i Gimnassia La Plata. Depresioni dhe anemia janë shkaqet e vizitave të Diegos në klinikën Ipensa në La Plata.
