Italia duket se po fillon të përjetojë sërish një situatë alarmante me pandeminë, e cila me gjasë do ta dërgojë vendin drejt një mbylljeje të dytë.
Mësohet se gjatë 24 orëve të fundit,në Itali janë regjistruar 10.874 raste të reja me koronavirus dhe 89 persona kanë humbur jetën.
Ndërkohë në total gjatë këtyre 24 orëve janë kryer teste diagnostikuese dhe 7.5% e atyre që iu nënshtruan rezultuan pozitivë.
Gjithashtu bilanci i vdekjeve është shtuar me 16 viktima më shumë se një ditë më parë, duke e çuar në një total prej 36.705 humbjesh jetësh që prej fillimit të pandemisë.
Zonat më të prekura mbeten Lombardia me 2.023 të infektuar të rinj, 1,396 në Piemonte, 1,312 në rajonin jugor të Kampanjës dhe 1,224 në Lazio.
E gjithë Europa është përfshirë nga një valë e re infektimesh. Deri më tani në të gjithë Botën numërohen më shumë se 40 milionë të infektuar.
