Kur të gjithë menduam se Italia e kaloi pikun nga COVID-19, bilanci i 24 orëve të fundit ka vërtetuar të kundërtën, pasi janë regjistruar 743 viktima dhe 5, 249 të infektuar.
Në total numri i të infektuarve ka shkuar në 69,176 persona dhe 6,820 viktima, teksa 8,326 pacientë janë shëruar nga fillimi i epidemisë deri tani.
Ditën e djeshme u regjistruan 602 viktima dhe 3,780 të infektuar, teksa dy ditë më parë ishin regjistruar përkatësisht të premten 651 viktima, ndërsa të shtunën 793 viktima.
Kështu, u vu re se kurba po shkonte drejt uljes, gjë e cila është hedhur poshtë sot dhe duket sikur Italia është futur në një rreth vicioz.
Kështu, Italia mbetet vendi me më shumë viktima, pasi ia ka kaluar edhe Kinës, ku lindi virusi rreth 3 muaj më parë.
Në vendin fqinj, gjithashtu, virusi nuk po kursen as bluzat e bardha pasi deri tani 23 mjekë kanë humbur jetën, ndërsa në total, 4,824 punonjës shëndetësorë janë infektuar.
