Ditët e fundit duket se situata nga koronavirusi në Itali është përmirësuar ndjeshëm, pasi numri i viktimave dhe të infektuarve ka rënë ndjeshëm.
Por, pavarësisht përmirësimeve të pakta situata përtej Adriatikut vijon të jetë problematike.
Gjatë 24 orëve të fundit 575 persona kanë humbur jetën, nga 552 viktima që u regjistruan dje, teksa janë shënuar 3, 493 raste të reja nga 3,786 të infektuar që u raportuan ditën e djeshme.
Kështu, numri i të vdekurve në total është 22, 745 , ndërsa numri i të infektuarve 172, 434.
Përmirësim të dukshëm ka edhe në strukturat spitalore pasi 2,563 pacientë janë shëruar duke e çuar numrin e tyre në 42, 647, teksa janë 124 pacientë më pak në terapi intensive dhe numri total i tyre është 2, 812.
Të rëndësishme janë edhe të dhënat nga spitalet, pasi 1,107 kanë lënë strukturat spitalore dhe tashmë janë të shtruar 25, 786 pacientë.
Më herë ditën e sotme, qeveria ka paralajmëruar lehtësimin e masave dhe është gati t’i rikthehet pak nga pak jetës, teksa ekspertët kanë përgatitur skenarin e fazes së dytë.
Italia gati t’i rikthehet jetës! Ekspertët ideojnë fazën e dytë: Distancim fizik edhe më të ashpër
Disa ditë më parë qeveria italiane njoftoi ndryshimin e strategjisë për luftën ndaj COVID-19, duke miratuar një plan me 5 pika:
- Distancim social,
- mjete mbrojtëse për të gjithë spitale COVID në të gjithë territorin kombëtar,
- përforcim i rrjeteve shëndetësore lokale,
- studim për të kuptuar sa janë prekur dhe
- një aplikacion, si modeli i Koresë së Jugut, për të verifikuar kontaktet e personave të infektuar.
Ndërkohë, Italia ka vendosur që të aplikojë të shumëpërfolurin “testim masiv” që në disa vende ka dhënë rezultat pozitiv, duke arritur të izolohet virusi që po tmerron botën, ndërsa ditën e djeshme nisi edhe testimi serologjik, i cili do aplikohet edhe të hënën në vendin tonë me stafin e QSUT.
Italia i provon të gjitha armët kundër COVID-19: Nis “pasaportat e imunitetit”
Ndër vendet më të prekura nga koronavirusi: Itali ndërmerr hapin e rëndësishëm
