Italia është padyshim një nga vendet me të prekura nga Covid-19 dhe deri tani numëron 168,941 të infektuar dhe 22,170 të vdekur.
Por, duket se vendi fqinj po përgatitet t’i rikthehet jetës pak nga pak dhe ekspertët po ideojnë edhe fazën e dytë të hapjes.
Instituti i Shëndetit në Itali ka bërë me dije se edhe në fazën e dytë masat do të jenë të rrepta, e kryesisht masat për distancim fizik dhe në rast se do të ketë një shpërthim të dytë, menjëherë do të shpallet “zonë e kuqe”.
“Ne kemi nevojë për distancim fizik edhe më të ashpër. Do të duhet të ruajmë masa të distancimit shoqëror dhe natyrisht që ato do të jenë të rrepta. Jo vetëm kaq: Kur të arrijmë në një kohë kur virusi do të qarkullojë pak më avash, do të jetë jashtëzakonisht e rëndësishme të forcojmë kontrollin mbi territorin. Një masë që mund të ndikojë gjithashtu në udhëtime, përfshirë pushimet verore. Duket shumë herët të përgjigjem se çfarë do të ndodhë për pushimet”, tha ai.
Ekpertët kanë bërë me dije se kur të nisë edhe hapja, çdo veprim do të jetë i kontrolluar për t’i shpëtuar kështu mundësisë për një shpërthim të dytë të pandemisë.
Më herët, mediat italiane publikuan edhe listën e lehtësimeve:
- Të gjithë të rinjtë do të ndalohen për t’u grumbulluar në grupe të mëdha, për të siguruar jetën e të moshuarve që janë më të rrezikuar nga koronavirusi.
- Nga ana tjetër të moshuarit mbi 70 vjeç dhe ata në 18 vjeç do të kenë kufizime në lëvizjen në qytete.
- Pas datës 25 prill shumë kompani, si ato që kanë lidhje me modën, makinat dhe ndërtimin, mund të shohin dritën jeshile.
- Shkollat dhe mjetet e transportit përfshihen në një nivel kritik.
Në ditët në vijim kryeministri Giuseppe Conte do të nënshkruajë dhe botojë një dekret të ri, i cili do të shpjegojë më tej vendimet e marra për hapjen e kompanive, si dhe datat.
