Një 6-vjeçar shqiptar në Itali është kthyer në një personazh shumë të dashur atje, teksa të gjithë kursimet e tij, ia dhuroi Kryqit të Kuq në Itali. Bëhet fjalë për Kolton Ndoj, 6-vjeçarin i cili ndjek shkollën fillore në Bregnano dhe është një fëmijë me zemër të madhe.
Ndoj, i ka dhuruar të gjitha kursimet e tij, në derrkucin e vogël, Kryqit të Kuq. Ky gjest i ka emocionuar të gjithë. Ndoj, kishte kohë që donte që të ndihmonte njerëzit në nevojë. I mituri mund edhe ti harxhonte këto kursime për ti blerë vetes ose familjes ndonjë dhuratë për festa, por ai i dhuroi kursimet për fëmijët të cilët janë në nevojë në mënyrë që dhe ata të gëzojnë njësoj me fëmijët e tjerë të cilët kanë ekonomi.
Sipas laprovinciadicomo.it, Ndoj, ka kërkuar që me kursimet e tij, të gëzojë të vegjlit në nevojë që dhe ata të shohin një dhuratë poshtë pemës për festa. Ndërkohë nëna e djalit thotë se Kolton ka dashur shumë të gëzojë fëmijët në këto ditë festash.
Nëna e Kolton Ndoj:
Më tha se donte vetëm një gjë, t’i ndihmonte ata fëmijë. Kështu që mendova se nëse ka një realitet të cilit mund t’i besosh është Kryqi i Kuq, ndaj shkuam tek ata
Ndërkohë vullnetarët u befasuan shumë, por edhe u prekën, kur në vigjilje të Krishtlindjes 6-vjeccari dhuroi kursimet e tij për të ndihmuar të vegjlit e tjerë.
