Një autobuz nga Gostivari është aksidentuar pak kilometra larg qytetit të Librazhdit.
Bëhet me dije se në autobus ishin nxënës shqiptarë nga Maqedonia e Veriut që ishin nisur për në Tiranë dhe në Vlorë për Festat Kombëtare të 28 & 29 Nëntorit.
Burime bëjnë me dije se një autoveturë është përplasur me autobuzin në vendin e quajtur “Kthesat e Murrashit”.
Deri më tani raportohet vetëm për dëme materiale dhe fatmirësisht nuk ka të lënduar asnjë nxënës. Ende nuk janë të qarta rrethanat e aksidentit, ndërsa dyshohet se moti me reshje të dendura dhe mjegull mund të ketë qenë një ndër shkaqet që ka favorizuar aksidentin.
