Një aksident i rëndë u regjistruar dy ditë më parë në aksin Fier-Lushnje, pranë rrethrrotullimit të Kolonjës.
Një ‘Mercedes Benz” brenda të cilit udhëtonin tre persona, doli nga rruga dhe përfundoi në kanal.
Si pasojë e përplasjes, dy të rinjtë, Alteo dhe Jorgos Shabani, ndërruan jetë.
Ndërkohë shoku i tyre, Alban Doksani, vijon të jetë në gjendje të rëndë në spitalin e Traumës.
‘Dosja.al’ ka mësuar se të rinjtë pak para aksidentit, ishin duke festuar ditëlindjen e Alteos 22-vjeçar.
Ky i fundit ishte kthyer disa ditë më parë nga Anglia, ndërsa kishte blerë edhe makinën.
Njëri prej dëshmitarëve në vendngjarje tregon momentin kur pa makinën të fluturonte, për shkak të shpejtësisë së madhe dhe mjegullës.
Ndërkohë për këtë ngjarje tragjike, nuk kanë munguar ngushëllimet për familjarët, nga shokët e tyre.
