Policia në Fier ka arritur të vërë në pranga një 20-vjeçar i cili ishte kthyer në makthin e një vajze. I riu me inicialet G.B, i cili banonte në Kallm i Madh të Fierit e përndiqte vazhdimisht, nëpërmjet telefonit vajzën e mitur.
“Specialistët e Seksionit për Hetimin e Krimit Ekonomik e Financiar në DVP Fier ndaluan shtetasin G. B., 20 vjeç, banues në Kallm i Madh, Fier, pasi ka përndjekur në mënyrë të vazhdueshme, nëpërmjet telefonit, një shtetase të mitur”, thuhet në njoftimin e policisë.
Njoftimi i Policisë së Shtetit:
Specialistët e Seksionit për Hetimin e Krimit Ekonomik e Financiar në DVP Fier ndaluan shtetasin G. B., 20 vjeç, banues në Kallm i Madh, Fier, pasi ka përndjekur në mënyrë të vazhdueshme, nëpërmjet telefonit, një shtetase të mitur.
Specialistët për Hetimin e Krimeve në Komisariatin e Policisë Fier arrestuan në flagrancë shtetasin B. A., 59 vjeç, banues në Fier, pasi ka ushtruar dhunë fizike ndaj bashkëshortes së tij.
Po nga këto struktura u referuan materialet në Prokurori dhe nisi procedimi penal për shtetasin I. H., 49 vjeç, banues në Levan, Fier, pasi kryetari i Zyrës Përmbarimore Fier ka bërë kallëzim se ky shtetas ka penguar ekzekutimin e vendimit të Gjykatës së Rrethit Gjyqësor Fier, për dhënien e tre fëmijëve të mitur, nënës së tyre.
Materialet i kaluan Prokurorisë, për veprime të mëtejshme procedurale.
