Ish-kryeministri i Italisë Silvio Berlusconi ka dalë në krah të Presidentit rus Vladimir Putin duke justifikuar pushtimin rus në Ukrainë. Berluskoni u shpreh se lideri rus Vladimir Putin është “shtyrë” në konflikt. Sipas 85-vjeçarit trupat ruse duhej të zëvendësonin qeverinë me “njerëz të mirë” dhe më pas të largoheshin. Ndërkohë kujtojmë se gjatë kësaj fundjave partia e ish kryeministrit rus pritet të marrë pushtetin në dorë si pjesë e një koalicioni të krahut të djathtë në zgjedhjet e përgjithshme që zhvillohen në Itali.
“Një narrativë që pretendon se qeveria ukrainase po masakronte rusishtfolësit në lindje të vendit u krijua nga media në Moskë. Raportimi, i shtyrë nga forcat separatiste dhe politikanët nacionalistë në qeverinë ruse, e lanë Putinin pa zgjidhje tjetër veçse të niste një pushtim të kufizuar. Putini u shty nga popullsia ruse, nga partia e tij dhe nga ministrat e tij për të shpikur këtë operacion special. Trupat duhej të hynin, të arrinin në Kiev brenda një jave, të zëvendësonin qeverinë Zelensky me njerëz të mirë dhe një javë më vonë të ktheheshin. Në vend të kësaj ata gjetën një rezistencë të papritur, e cila më pas u ushqye nga armë të të gjitha llojeve nga Perëndimi”, tha zoti Berlusconi për TV italian.
