Detaje të reja janë zbuluar në lidhje me organizatën iraniane, që kishte planifikuar sulm terrorist në Shqipëri.
Siç shkruan ‘abcnews’, celula ishte e përbërë nga 12 persona në territorin shqiptar, të cilët ishin të gatshëm edhe për luftë me policinë.
SHISH bën me dije se atentatorët kishin në plan të arratiseshin nga Kosova pas sulmit.
Personi i monitoruar ka qenë Alireza Neghashazadeh, një ish anëtar i MEK.
Ky i fundit kishte edhe nënën e tij në kampin e muxhahedinëve në Manzë të Durrësit.
Alireza ka ndihmuar me informacione krerët Gardës Revolucionare të Iranit (QUDS).Informacionet konsistojnë në foto dhe video të kampit ku qëndrojnë muxhahedinët, vend ku do të kryhej edhe sulmi terrorist në mars të 2018-ës.
Veprimtaria e Alireza u zbulua edhe nga agjencitë ndërkombëtare ligjzbatuese, të cilat kishin vërtetuar lidhjet e tij me një nga krerët e QUDS, Peymanin.
Për herë të fundit, Alireza ka qenë në Shqipëri dy muaj më parë, me pasaportë austriake.
Pasi u mor në pyetje nga antiterrori, ai u la i lirë.
Rol të rëndësishëm në sulmin terrorist do të kishte edhe turku Abdulselam Turgut, i cili do të siguronte eksplozivin dhe municionet luftarake nga rrjetet kriminale në Shqipëri.
Anëtari i katërt i rrjetit u identifikua si Melekzadeh.
Të katër këto persona nuk ndodhen në Shqipëri dhe janë shpallur në kërkim ndërkombëtar.
