Dy shqiptarë janë arrestuar nga policia italiane, si të dyshuarit kryesorë, për një sërë grabitjesh të ndodhura në Sondrio.
Në pranga kanë rënë Gon Bilaci, 45 vjeç dhe 24-vjeçari Adelaj Dylja.
Ky i fundit kishte edhe urdhër për dëbim nga territori italian.
Policia u vu në ndjekje të dy shqiptarëve, pas denoncimeve të banorëve të zonës, të cilët konstatuan vjedhjet në shtëpitë e tyre.
Grabitjet u bënë shumë shqetësues, për faktin se përveç bizhuterive, shqiptarët kishin vjedhur edhe armë me leje, që pronarët mbanin në vilat e tyre.
Shqiptarët kishin shkuar në Itali në fillim të muajit nëntor dhe prezenca e tyre në Sondrio, kishte rënë në sy të policisë.
Prokurori i zonës ndërkohë, tha se në Sondrio vjedhja e shtëpive është një fenomen i cili nuk mund të zhduket plotësisht.
