Klement Basha, 30 vjeç, humbi jetën mëngjesin 27 janarit në Fier, si pasojë e një aksidenti të rëndë. Jeta e tij ka lënë gjurmë tek kolegët e spitalit të Fierit, ku punonte infermier. Ndoshta sot do të ishte duke u kujdesur për pacientët, por vdekja e ndau shumë shpejt.
Nevila Shuke, drejtoreshë e Spitalit të Fierit, shkruan se Klement Basha kishte dalë si një ndër infermierët më të mirë në Qarkun e Vlorës dhe të Fierit. Drejtoresha e Spitalit bën një dedikim të ndjerë për infermierin e ri.
“Sot humbem Klementin! Do te na mungosh! Do te kujtoj perhere Klement si infermieri qe doli nder te paret ne qarkun e Vlores dhe te Fierit gjate portalit “Infermier per Shqiperine”
Do te kujtoj perhere deshiren e madhe qe kishe per te qene pjese e stafit te spitalit rajonal Fier!
Do te kujtoj gjithmone per zemergjeresine, bujarine, qetesine qe te karakterizonte, profesionalizmin. Ishe shembull per t’u marre! Do te na mungosh! U prefsh ne paqe Klement”, ka shkruar Nevila Shuke.
Mjeti tip Mercedes Benz me të cilin ai udhëtonte, u përplas me një kamion të tonazhit të rëndë.
Nga përplasja e fortë 30 vjeçari humbi jetën. Atë mëngjes Klementi ishte duke shkuar në punë, shumë pranë Spitalit të Fierit, por fatkeqësisht rruga iu pre në mes. /Gazetareforma.com./
