Rasti i Dritan Zaganit ka qenë ndër më të përfolurt, por tashmë një tjetër ish-oficer i Antidrogës së Fier, Antonio Nazeraj ka fituar azilin politik në Holandë. Për shumë kohë Nazeraj ka qenë pjesë e njësisë së Antidrogës në Fier së bashku me Zaganin, mirëpo në vitin 2017 ka dhënë dorëheqjen nga posti dhe është larguar, pikërisht për shkak të frikës së kishte.
Disa ditë më parë në një intervistë të dhënë, ai ka thënë se ka frikë për vetën dhe familjen që të kthehet, pasi mund të asgjesohet nga grupet kriminale që ka hetuar.
“Unë nuk e shoh Shqipërinë si një vend të sigurt për veten time, kam frikë nga grupet kriminale që unë kam hetuar më parë, të cilët kanë marrë kontrollin e trafikut të drogës dhe po marrin mbështetje të fortë politike”, u shpreh Nazeraj.
Gjithashtu Nazeraj ka thënë se në rast se ekstradohet për në vendin tonë, është zërë se i vdekur, kjo sepse shumë prej grupeve të hetuara prej tij kanë lidhje me politikën.
“Kur të kthehem në Shqipëri, jam 100 për qind i vdekur”-ka theksuar ai për median holandeze në gusht të 2018.
