Ditën e sotme ish-kryeprokurori i Krimeve të Rënda, Eugen Beçi i ftuar në emisionin “Në Shënjestër” ka folur në lidhje me situatën kriminalistike në vend.
Gjatë intervistës ai është ndalur ndër të tjera edhe tek trafiku i drogës, ndërsa ka thënë se organet hetimore në vendin tonë duhet të kenë një nivel përgatitje për të hetuar krimet në vendin tonë.
“Ne po flasim për disa persona që vijnë me master krimi në Shqipëri. Organet hetimore duhet të jenë të përgatitur për një stad tjetër”, tha Beçi.
Më tej ish-kryeprokurori është shprehur se Shqipëria është një vend shuëm i vogël për të përballuar kaq shumë personazhe të botës së krimit.
Beçi ka shtuar se krimi i organizuar në vendin tonë ka një nivel të lartë duke shtuar se ka marrë hov.
“Në kuptimin e kriminelëve, ata kanë filluar të mësojnë disa gjuhë të huaja, ndërsa organet tona ende nuk janë mësuar. Shqipëria nuk është treg që mund të përballojë kaq shumë personazhet e krimit të organizuar. Krimi i organizuar shqiptar ka marrë një hov që nuk duket fare në Shqipëri, por vetëm jashtë”, tha ai.
Gazetarja Aleksandra Bogdani, ka shtuar ndër të tjera se në Shqipëri larja e hesapeve është kthyer në një problem serioz.
“Paratë e trafikut të drogës investohen, pastrohen në Shqipëri. E gjithë kjo para është shumë e dukshme”, tha ajo
