David Gabrieli, një shtetas francez që jeton në Sidnei, është akuzuar për sulm seksual ndaj katër femrave që njohu në aplikacionet e njohura të takimeve RSVP dhe Bumble midis gushtit 2017 dhe janarit 2018.
Personi në fjalë paraqitej në internet si një mjek që punonte në ambasadën zvicerane dhe përdori fotografitë e futbollistit shqiptar Lorik Cana në përpjekje për të tërhequr femrat dhe për t’i bindur ato të vizitonin apartamentin e tij Maroubra.
Gabrieli, një 39-vjeçar, baba i dy fëmijëve, përdorte foton e ish-kapitenit në llogarinë e tij në dy aplikacione për të krijuar lidhje midis njerëzve.
Viktimat kanë treguar në gjykatë se pasi janë takuar me të kanë vënë re kishte një ngjashmëri me personin në foto (Lorikun) por ngjante shumë më i vjetër.Ndërkohë policia ka gjetur fotografitë e futbollistit shqiptar në USB e Gabriel.
Gjykata ende nuk ka vendosur për fatin e mjekut që punon në Ambasadën Zvicerane në Australi, por përdorimi i fotove të ish-kapitenit nuk është diçka etike dhe prish imazhin e tij.
Ende nuk ka ndonjë reagim nga Loriku dhe nuk dihet nëse do e ndjekë çështjen në gjykatë.
