Ditën e sotme deputeti demokrat Ervin Salianji ka përdorur doza ironie ndaj qeverisë dhe përfaqësuesve të saj duke thënë se duken që janë në anën e krimit dhe jo të ligjit.
Salianji tha se nëse do t’i pajisnin të gjithë me armë, do ishte çudi fakti se për çfarë duheshin institucionet.
Keto deklarata deputeti demokrat i bëri në Komisionin e Sigurisë, ku u diskutua projektligji “Për disa shtesa dhe ndryshime në ligjin nr.80/2020, “Për Policinë e Burgjeve”.
“T’i japim armët dhe policëve të burgut, deputetëve, mjekëve dhe mësuesve, dhe arbitrave, se kërcënohen për të arbitruar ndeshjen dhe për ça e kemi shtetin?! Drejtësinë! Më vjen mirë që ministri, si përfaqësues i qeverisë, që ju dha leje që të dënonit me forcë agresionin që i bëhet me tritol kreut të PD në Vaun e Dejës. Ju dukeni se jeni në anën e krimit dhe jo në atë të ligjit. Duhet të reagoni dhe të dënoni krimin. Të qartësohet drejtori, dhe më pas dhe kryetari i Komisionit se nuk kemi nxitim. Ça nxitimi ka që vjen me vrap ky ligj?!”, u shpreh nw Komision deputeti i Partisw Demokratike Ervin Salianji, teksa u evidentua qartazi ironia e tij ndaj qeverisë dhe institucioneve që drejtojnë vendin tonë.
