Pak ditë më parë bëri bujë lajmi se dhëndri i Donald Trump do të ndërtojë në Sazan dhe Zvërnec resorte luksoze me miratimin e kryeministrit Rama.
Lidhur me këtë ngjarje ka reaguar dhe nënkryetari i Partisë së Lirisë, Agim Nesho, i cili ishte i ftuar në “Open” në News 24. Ai tha se kryeministri Edi Rama përdor investime të tilla për të blerë influencë.
“Ne jemi të fundit për të thithur investimet e huaja. Ky investim i madh është në vazhdën e atyre investimeve preferenciale, jashtë rregullave të shtetit ligjor që zt.Rama bën për të justifikuar politikën e tij klienteliste. Ai përdor asetet e Shqipërisë për të blerë influencë. Bën një marrëveshje me Melonin. Kush është përfitimi i Shqipërisë? Zero! Ndërkohë vende të tjera autoritare si Tunizia, kërkoi 2 miliard dollarë”, tha Nesho.
