Ndërmarrja e Ujësjellës-Kanalizimeve ka përfunduar në Tiranë, investimin në rrjetin e shpërndarjes në rrugën “Jusuf Vrioni”, një investim nga i cili përfitojnë qindra familje.
Si rezultat i këtij investimi banorët e dy rrugëve në kryeqytet nuk do të kenë më probleme me furnizimin me ujë.
Ndërkohë theksohet se në rrugën “Xhanfize Keko” është vënë në funksion të plotë linja e re e ujësjellësit. Ky investim i Bashkisë në këtë zonë të kryeqytetit ka bërë të mundur një kapacitet të shtuar të furnizimit me ujë të pijshëm.
Gjatë ditëve të fundit, grupet e punës të UKT-së kanë ndërhyrë edhe në zona të tjera të kryeqytetit. UKT-ja ka nisur po ashtu punën për dyfishimin e kapacitetit filtrues në impiantin e Bovillës, si dhe të shtrimit të linjës së re të furnizimit me ujë që do shërbejë për zonat periferike.
