Presidenti i Serbisë, Aleksandër Vuçiçka folur ditën e sotme lidhur me mos çeljen e negociatave për Shqipërinë dhe Maqedoninë e Veriut. Vuçiç ka deklaruar se ndjen keqardhje që Bashkimi Evropian nuk i dha datë Shqipërisë dhe Maqedonisë së Veriut dhe se sipas tij nuk është e drejtë ndaj vendeve dhe qytetarëve të tyre, ka raportuarBlic.rs.
“Konsideroj se nuk është e drejtë edhe ndaj Tiranës edhe ndaj Shkupit, si dhe ndaj qytetarëve dhe njerëzve që i udhëheqin ato vende. Ata kanë mik të sinqertë tek Serbia dhe do ta përmirësojmë bashkëpunimin me to dhe dëshiroj të kumtoj se do të kemi video konferencë të rëndësishme më datën 29 qershor me kryeministrat Zoran Zaev dhe Edi Rama”, tha Vuçiç.
Gjithashtu Vuçiç ka shtuar se bashkëpunimi me këto vende do të rritet dhe në kuadër të iniciativës rajonale, të cilët disa e quajnë Mini Shgengen, do të vazhdojë t’i përmirësojë marrëdhëniet.
Vuçiç tha se sistemi i lejeve të punës është me rëndësi të madhe dhe se ata të cilët morën leje në territorin e një vendi do të kenë leje për secilin vend, që është me rëndësi të madhe për përshpejtimin e qarkullimit të njerëzve në rajon dhe sigurojnë sa më shumë fuqi punëtore për Serbinë.
“Qytetarëve të Maqedonisë së Veriut dhe Shqipërisë u dëshiroj gjithë të mirat dhe jam i sigurt se edhe ata, si ne, do ta vazhdojnë rrugën e tyre evropiane, por ne e kuptojmë mirë porosinë se duhet të ndërtojmë marrëdhënie më të afërta dhe të bëhemi më të fuqishëm dhe të mos presim asgjë nga askush por ne besojmë në vete dhe i shtyjmë vendet tona përpara”, theksoi Vuçiç.
