Media greke “Kathimerini” ka publikuar sot tri kushte që Greqia i vendos Shqipërisë për anëtarësimin në BE. Kushtet përfshijnë pranimin e kryetarit të zgjedhur të Himarës, Fredi Beleri, respektimin e drejtave të tij dhe prezumimin e pafajësisë. Greqia akuzon Tiranën për intolerancë dhe e sheh çështjen Beleri si shkelje flagrante. Në deklaratë, theksohet se Greqia nuk pranon fazat e ardhshme të anëtarësimit pa zgjidhjen e çështjes. Kritika drejtohet edhe ndaj paraburgimit të Belerit, duke e vlerësuar si ndërhyrje politike shqiptare kundër parimeve të shtetit të së drejtë.
Greqia kërkon që kryetari i zgjedhur i Himarës, Fredi Beleri të marrë detyrën menjëherë, të respektohet e drejta e tij për një proces të drejtë si dhe prezumimi i pafajësisë.
“Ashpërsimi i qëndrimit grek lidhet me intolerancën që Tirana ka treguar këtë periudhë por është edhe një mesazh për partneret europianë, të cilët konsiderojnë se Greqia po e bilaterizon çështjen Beleri, duke injoruar dimensionin e saj thellësisht evropian. Për Greqinë, situata që mbizotëron bie ndesh me vlerat tona të përbashkëta evropiane, kriteret e anëtarësimit dhe të drejtën europiane, të cilat janë të panegociueshme”, thuhet në deklaratë.
Aty theksohet se çështja Beleri “përbën një shkelje flagrante të shtetit ligjor dhe të të drejtave politike të qytetarëve shqiptarë, veçanërisht të pjesëtarëve të pakicës etnike greke. Ndaj Greqia nuk do të bjerë dakord për fazat e ardhshme të procesit të anëtarësimit, duke përfshirë miratimin e raportit të vlerësimit të standardeve të pazgjidhura.
