Dy vatra të reja janë konfirmuar sot në spitalin “Iranian” në kryeqytet.
Ditën e sotme Ministria e Shëndetësisë raportoi për 33 raste të reja të infektuar me Covid-19 në 24 orët e fundit në vendin tonë.
Dy rastet e zbuluara sot janë një mjeke dhe një recepsioniste. Ende nuk dihet rrethi i tyre i kontakteve dhe gjurmimi i tyre.
Numri i të infektuarve në spital ka shkuar në 82.
Ndërkohë, pak minuta më parë ka ndërruar jetë një pacient 62-vjeçar me koronavirus në spitalin Infektiv.
Ministria e Shëndetësisë ka njoftuar se pacienti ishte shtruar në spital prej dy javësh, ndërsa në 10 ditët e fundit kishte qenë i intubuar.
Ai nuk vuante nga sëmundje të tjera bashkëshoqëruese.
Bashkë me 62-vjeçarin shkon në 45 numri i viktimave nga koronavirusi në vendin tonë.
