Koronavirusi nuk ka kursyer askënd duke infektuar edhe ministra dhe zyrtarë qeveritarë. E radhës ka qenë ish-ministrja e Kulturës Mirela Kumbaro. Në një postim në rrjetet e saj sociale ajo ka komunikuar se ka rezultuar pozitive me viursin dhe ka lajmëruar se nuk do t’i vijojë dot takimet elektorale të parashikuara në qarkun e Gjirokastrës. Ish-ministrja ka lajmëruar se kontaktet do t’i vijojë përmes telefonit dhe rrjeteve sociale. Mirela Kumbaro ka qenë ministre e Kulturës në kabinetin e qeverisë Rama për gjashtë vite nga shtatori i 2013-ës deri në janar të 2019-ës. Mirela Kumbaro do të mbahet mend si ministrja që firmosi për shembjen e Teatrit Kombëtar, duke eklipsuar kontributet e saj në përkthimin eveprave të Milan Kunderës. Tashmë ajo është kandidate për deputete e Partisë Socialiste në qarkun e Gjirokastrës.
Shifrat e koronavirusit janë rritur ndjeshëm kohët e fundit, ku vetëm ditën e djeshme u konfirmuan më shumë se 1 mijë raste.
Postimi i plotë i ish-ministres:
Me radhe eshte kjo pune…
Radha ime sot te provoj efektet negative te statusit “pozitiv”🦠
Per aq kohe sa duhet nuk do te leviz dot per te vijuar takimet e parashikuara ne Qarkun e Gjirokastres.
Por do te vijojme kontaktet si çdo dite permes telefonit dhe rrjeteve sociale.
https://www.facebook.com/Mirela.Kumbaro.Furxhi/photos/a.872700732798784/3729044007164428/
