Koronavirusi vijon të përhapet me shpejtësi në vendin tonë duke rritur numrin e të infektuarve dhe viktimave.
Sipas AbcNews, mësohet se 11 persona në Prokurorinë e Posacme SPAK janë konfirmuar me Covid-19 ndërkohë janë karantinuar edhe disa persona të tjerë pjesë e e stafit.
Puna në Prokurorinë e Posacme vijon normalisht ndërsa të infektuarit janë prokurorë, gjyqtarë dhe personel tjetër. Kujtojmë se koronavirusi ka prekur dhe Gjykatën Penale të Tiranës, Gjykatën Civile dhe Administrativen e Apelit.
Ndërkohë ditën e djeshme Ministria e Shëndetësisë njoftoi se janë kryer 1725 testime ditore dhe kanë rezultuar pozitiv me Covid-19, 396 persona.Fatkeqësisht edhe katër qytetarë të tjetër nuk kanë mundur të fitojnë betejën me virusin e rrezikshëm.
Po ashtu situata në spitale vijon të jetë shqetësuese. Sipas të dhënave të fundit në spitale Covid po marrin trajtim 338 pacientë. Në 24 orët e fundit 105 persona janë shëruar nga sëmundja.
