Hiteshkumar Patel, kërkohet nga autoritetet indiane për mashtrim me shuma të mëdha ndaj një banke në Delhi, prej të cilës janë përfituar 725 milionë dollarë.
Mirëpo, së fundmi autoritetet shqiptare kanë vendosur t’i japin atij azil politik.
Sipas Top Channel, kërkesa e tij ështe firmosur në fund të nëntorit që lamë pas, duke i hequr kështu mundësitë palës indiane për ekstradimin e tij.
Patel është kunati i Nitin Sandesara, i cili është gjithashtu në kërkim së bashku me vëllanë e tij.
Dy të kërkuarit e tjerë, Chetan dhe Nitin Sandesara, jo vetëm që u pajisën me pasaporta shqiptare, por njëri prej tyre, Nitin Sandesara, u emërua si konsull nderi ne Nigeri.
Megjithatë, pas ekspozimit të fakteve, Ministria e Jashtme shqiptare e hoqi përgjegjësinë pasi, sipas këtij institucioni, emërimi si konsull nderi i të shumëkërkuarit është bërë duke marrë në konsideratë kushtet e konventës së Vjenës.
Patel konsiderohet mes personazheve kryesore të kompanisë “Sterling Biotech”, përmes të cilës dyshohet se u morën 725 milionë dollarë amerikane kredi në bankat shtetërore të Indisë dhe që më pas u zhdukën nëpërmjet një rrjeti prej 300 kompanish offshore.
